Aled Glynne sy'n dal y goriad.
 
Aled ydi un o'r bobol fwya profiadol yn y byd darlledu yng Nghymru.
 
Bu'n Olygydd Radio Cymru rhwng 1995 a 2006 gan arwain yr orsaf drwy'r newidiadau mwyaf yn ei hanes.
 
Mae profiadau Aled yn cynnwys:
 
CYFLWYNO
GOHEBU
CYNHYRCHU
UWCH-GYNHYRCHU
RHEOLI staff a chyllidebau.
 
Gweithiodd i’r BBC am bron i 29 mlynedd.
Bu’n gyfrifol am y  Newyddion ar S4C, gwasanaeth Newyddion Radio Cymru ac Aled oedd yn gyfrifol am lansio gwefan Gymraeg y BBC, Cymru’r Byd.  Treuliodd y rhan fwyaf o’i flynyddoedd yn y BBC yn arwain a rheoli staff a chyllidebau.
 
Mae darlledu yn ei waed.  Yn 19 oed roedd yn un o gyflwynwyr yr orsaf radio annibynnol Sain Abertawe. Yn ystod ei gyfnod yno bu hefyd yn gohebu, cynhyrchu ac yn paratoi bwletinau a rhaglenni newyddion.
 
Aled ei hun fydd yn gwneud y gwaith i goriad.com.  Bydd yn cyflogi arbenigwyr ar gyfer rhai cyrsiau fel bo’r angen.
 
Mae Aled hefyd yn cynnig gwasanaeth fel Cynhyrchydd.